GAAR AH: Turkiga oo ciidamo u diraya Soomaaliya
MUQDISHO(GAYLAN-MEDIA) - Sida ay sheegeen ilo amni oo la hadlay Gaylan Media, Madaxweyne Xasan Sheekh Maxamuud waxa uu ka codsaday laba dal oo xulafada ah inay bixiyaan 20,000 oo askari si ay ula wareegaan ammaanka goobaha muhiimka ah ee ay ka baxayaan ciidamada Midowga Afrika.
Turkiga ayaa noqday dalkii ugu horreeyay ee ka jawaaba, isagoo ogolaaday inuu soo diro in ka badan 15,000 oo askari oo ku sugan koonfurta Soomaaliya, gaar ahaan magaalooyinka Baraawe, Baydhabo iyo Muqdisho, ka hor bisha Janaayo, iyadoo lagu heshiiyey heshiis laba geesood ah oo labada dal dhex maray.
Ka dib tallaabadan, Villa Soomaaliya waxay qorsheynaysaa inay si buuxda u gooyso xiriirka diblomaasiyadeed ee dalal dhowr ah oo saameyn weyn ku leh arrimaha Soomaaliya, iyagoo ku tiirsan ciidamada Turkiga.
Turkiga waxa kale oo uu doonayaa inuu ka dhigo garoomada diyaaradaha ee Baraawe iyo Baydhabo saldhigyo milatari. Si kastaba ha ahaatee, dadaallada lagu doonayo in saldhig milatari laga dhiso garoonka diyaaradaha ee Baydhabo ayaa ilaa hadda guulaysan.
Faallooyinka (0)
Soo gal si aad uga qaybqaadato wadahadalka.